Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 324 Hüküm no: 394 Orijinal metin no: [80a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah Ağa’ya borcunu ödemesi tenbihi Ma‘rûz. Müteveffâ el-Hâc Yakub’un sulbî oğulları Mustafa ve Ahmed nâm sagīrlerin tesviye-i emirlerine kıbel-i şer‘den mansûb vasîleri sahib-i arzuhâl İbrahim Efendi tarafından sâbitü’l-vekâle vekîli olan Hâfız Mehmed Efendi ile hasmı derûn-ı arzuhâlde mezkûr Abdullah Ağa bi’t-terâzî Bâb Mahkemesi’nde mürâfa‘a oldukda mezbûr Hâfız Mehmed Efendi meclis-i şer‘de merkūm Abdullah Ağa’dan sagīrân-ı mezbûrânın mâllarından olmak üzere iki kıt‘a temessük nâtık olduğu üzere iki bin yüz altmış guruş bi’l-vekâle da‘vâ eyledikde mezbûr Abdullah Ağa ikrâr ve i‘tirâf etmeğin mûcebince meblağ-ı mezbûr iki bin yüz altmış guruşun edâsıyla mezbûr Abdullah Ağa ilzâm olunduğu huzûr-ı âlîlerine i‘lâm olundu. Fî 14 Muharrem sene [1]144.