Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 324 Hüküm no: 395 Orijinal metin no: [80b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Hasan’ın borcunu ödemesi gerektiği Ma‘rûz. Sahib-i arzuhâl el-Hâc Ahmed Efendi dâ‘îleri meclis-i şer‘de hasmı Berber Hasan’dan yedinde olan hüccet ve Kastamonu kādısı Ali Efendi dâ‘îleri arzı mantûkları üzere cihet-i deyn-i şer‘îden derû[n]-ı arzuhâlde mezkûr üç yüz altmış guruş zimmetinde hakkım olmağla taleb ederim deyü ba‘de’d-da‘vâ ve’l-inkâr müdde‘î-yi mezbûr müdde‘âsını lede’t-tezkiye adâletleri zâhir olan Hâfız Ali Efendi b. Abdullah ve Şem‘dânî Molla Mehmed b. Mehmed ile vech-i şer‘î üzere muvâcehesinde isbât etmeğin mûcebince meblağ-ı mezbûr üç yüz altmış guruşun edâsıyla merkūm Berber Hasan ilzâm olunduğu huzûr-ı âlîlerine i‘lâm olundu. Fî 14 Muharrem sene [1]144.