Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 325 Hüküm no: 398 Orijinal metin no: [80b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Ağa’nın sahib olduğu ev hususundaki davasında sulh olduğu Ma‘rûz. Arzuhâl eden İsmihan bt. Abdullah nâm hatun derûn-ı arzuhâlde mastûrü’l-ism el-Hâc Hasan Ağa’nın şirâen mâlik olmağla vaz‘-ı yed eylediği Edirne’de Eymirşâh mahallesinde vâki‘ ma‘lûmü’l-hudûd menzilin oğlum İbrahim nâm müteveffâdan sülüs bana mevrûsdur deyü sülüs-i menzil da‘vâsından tavassut-ı muslihûn ile on guruşa sulh olup kabz-ı bedel ve menzil-i mezbûra müte‘allika da‘vâdan mezbûr el-Hâc Hasan’ın zimmetini ibrâ ve ıskāt eylediği tescîl olunup huzûr-ı âlîlerine i‘lâm olundu. Fî 15 Muharrem sene [1]144.