Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 326 Hüküm no: 399 Orijinal metin no: [80b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Beşe hakkında mahalle halkının hüsn-i şehâdetleri Ma‘rûz. Kullukçu İbrahim Beşe mübâşeretiyle Bâb Mahkemesi’ne mahbûsen ihzâr olunan İsmail Beşe’nin hasmı gāib ani’l-meclis el-Hâc Ahmed nâm kimesne ba‘de’t-teşekkî mezbûr İsmail Beşe’nin sâkin olduğu İstanbul’da Hoca Halil Attar mahallesi imâmı Osman Efendi ve müezzini Süleyman Efendi ve ahâlîsinden cemm-i gafîr müseccelü’l-esâmî yirmi nefer kimesnelerden tefahhus olundukda fi’l-hakīka mezbûr İsmail Beşe bu âna gelince kendi hâlinde sâlih ve mütedeyyin kimesne olmağla mezbûrun her ahvâlinden hoşnûd ve râzılarız deyü hüsn-i hâline her biri alâ-tarîkı’ş-şehâde haber verdiklerinden sonra mezbûrun nefsine ve hîn-i mutâlebede meclis-i şer‘a ihzâra mezbûrûn imâm ve ahâlîden her biri kefîl oldukları tescîl ve huzûr-ı âlîlerine i‘lâm olundu. Bâkī emr men-lehu’l-emrindir. Fî 17 M sene [1]144.