Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 309 Hüküm no: 444 Orijinal metin no: [65b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Derviş Abdünnebi’nin Ali Çelebi’ye borcu olduğu Mahmiye-i İstanbul’da attâr tâifesinden işbu bâ‘isü’l-kitâb Ali Çelebi b. el-Hâc Salim nâm kimesne mahfil-i kazâda Derviş Abdünnebi b. Memi nâm kimesne muvâcehesinde üzerine da‘vâ ve takrîr-i kelâm edip mezbûr Abdünnebi zimmetinde cihet-i karz-ı şer‘îden bin iki yüz akçe hakkım olmağla taleb ederim suâl olunsun dedikde gıbbe’s-suâl mezbûr Derviş Abdünnebi cevâbında fi’l-vâki‘ müdde‘î-i merkūma cihet-i merkūmeden zimmetimde lâzımü’l-edâ ve vâcibü’l-kazâ bin iki yüz akçe deynim vardır deyü ikrâr u i‘tirâf etmeğin ikrârı mûcebince meblağ-ı merkūmu müdde‘î-i merkūma def‘ ve teslîm etmek üzere Derviş Abdünnebi’ye tenbîh olunup mâ-vaka‘a bi’t-taleb ketb olundu. Fi’l-yevmi’t-tâsi‘ min-Şevvâli’l-mükerrem li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Rıdvan b. Abdullah, Ahmed Çelebi b. Hüseyin çukadâr, Ahmed Beşe b. ( ), el-Hâc Şa‘ban b. Mehmed ve gayruhum.