Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 229 Hüküm no: 208 Orijinal metin no: [29a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çelebi’nin vakfına ait odaların tevliyetinin Hatice Hatun’a verildiği Tevliyet Ashâb-ı hayrâtdan merhûm Mehmed Çelebi b. Hasan Ağa’nın mahmiye-i İstanbul’da Molla Şeref mahallesinde binâ ve vakfeylediği ma‘lûmü’l-hudûd ve’l-müştemilât yirmi bir bâb müteehhilîn odalarının evlâdiyet ve meşrûtiyet üzere mütevellîsi olan Hasan Efendi fevt olmağla yerine müteveffâ-yı mezbûrun sulbiye kebîre kızı işbu râfi‘atü’l-kitâb Hadîce Hatun ber-mûceb-i şart-ı vâkıf aslah evlâddan perhizkâr ve her vechile umûr-ı tevliyete ehil ve uhdesinden gelmeye sâhibe-i iktidâr olduğu müteveffâ-yı mezbûrun diğer kızı Zeyneb nâm hatun ile zeyl-i sahîfede muharrerü’l-esâmî sikāt ihbârlarıyla zâhir olmağın hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri [29b] dahi mezbûre Hadîce Hatun’u vakf-ı mezkûra mütevellîye nasb u ta‘yîn eyledikde ol dahi tevliyet-i mezbûreyi kabûl ve hizmet-i lâzımesini alâ-mâ- yenbağī rü’yet ve edâya ta‘ahhüd ve iltizâm etmeğin mâ-hüve’l-vâki‘ bi’t-taleb ketb ve terkîm olundu. Fi’l-yevmi’l-hâmis ba‘de’l-ışrîn min-Muharremi’l-harâm li-sene selâse ve hamsîn ve mi’e ve elf. Şuhûdü’l-hâl: Hıfzı b. Mehmed el-muhzır, Mehmed Beşe b. Ahmed, Mehmed Çelebi b. Abdi, Hasan Ağa b. Mehmed, Ali Ağa b. İsmail