Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 343 Hüküm no: 342 Orijinal metin no: [51a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Hasan’ın eşi Mehmed’den muhâlaa ile boşandığı Mahâla‘a Mahmiye-i İstanbul’da Sofular mahallesinde sâkine olup zâtı İbrahim Beşe b. Hasan ve el-Hâc İbrahim b. Mustafa nâm kimesneler ta‘rîfleriyle mu‘arrefe olan Âişe bt. Hasan nâm hatun meclis-i şer‘-i hatîr-ı lâzımü’t-tevkīrde zevc-i dâhili bâ‘is-i hâze’l-kitâb el-Hâc Mehmed b. Ahmed nâm kimesne mahzarında ikrâr ve takrîr-i kelâm edip mezbûr el-Hâc Mehmed zevcim olup beynimizde hüsn-i mu‘âşeretimiz olmamağla zimmetinde mütekarrer ve ma‘kūdün-aleyh altı bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr el-Hâc Mehmed ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezbûru ba‘de’l-kabûl hukūk-ı zevciyete ve sâire müte‘allıka târîh-i kitâba gelince âmme-i de‘âvî ve kâffe-i mutâlebâtdan her birimiz âharın zimmetini ibrâ-i âmm-ı râfi‘ü’l-hısâm ile ibrâ ve ıskāt edip birbirimiz ile vechen mine’l-vücûh ve sebeben mine’l-esbâb da‘vâ ve nizâ‘ ve husûmetimiz yokdur dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fî 3 Ra sene 1153. Şuhûdü’l-hâl: Ömer Ağa b. Mehmed, Mahmud Çelebi b. Abdullah, Hüseyin Çelebi b. Ahmed, Ali Ağa b. el-Hâc Mehmed