Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 375 Hüküm no: 384 Orijinal metin no: [57b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Satılmış b. Mehmed’in kendisine emaneten bırakılan beygiri iade etmesi Ma‘rûz Bâ‘is-i i‘lâm Receb b. Şa‘bân nâm kimesne Bâb Mahkemesi’nde meclis-i şer‘de Satılmış b. Mehmed nâm kimesne mahzarında, mezbûr Satılmış târîh-i i‘lâmdan on beş gün mukaddem otuz guruş kıymetli bir re’s doru bargiri bi-tarîkı’l-emâne def‘ ve teslîm etmiş idim. Zikri sebk eden bargir mevcûd ise aynını müstehlek ise ba‘de’s-sübût kıymet-i şer‘iyyesini mezbûr Satılmış’dan taleb ederim deyü ba‘de’d-da‘vâ ve’l-inkâr müdde‘î-i mezbûr Receb mârrü’z-zikr bargiri bi-tarîkı’l-emâne def‘ ü teslîm eylediğini ve hîn-i def‘inde kıymeti otuz guruş olduğunu Ali Çavuş Ağa b. Hüseyin ve İsmail b. Ahmed nâm şâhidân-ı mu‘addilân şehâdetleriyle vech-i şer‘î üzere isbât etmeğin mûcebince bargir-i mezkûr mevcûd ise aynını müstehlek ise kıymeti olduğu sâbit olan meblağ-ı mezbûr otuz guruşu müdde‘î-i mezbûr Receb’e edâ ve teslîme mezbûr Satılmış’a tenbîh olunduğu huzûr-ı âlîlerine i‘lâm olundu. El-emru li-men-lehü’l-emr. Fî 20 min-Zilka‘de sene 1152.