Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 375 Hüküm no: 383 Orijinal metin no: [57b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah’ın Ayşe’ye havaleden olan borcunu ödemesi Ma‘rûz Derûn-ı arzuhâlde mezkûretü’l-ism Âişe Hanım hasmı sâhib-i arzuhâl el-Hâc Abdullah ile bi’t-terâzi Bâb Mahkemesi’nde meclis-i şer‘de terâfü‘ eylediklerinde mezbûr el-Hâc Abdullah zimmetinde cihet-i havâle-i sahîha-i şer‘iyyeden ber-mûceb-i temessük yüz otuz guruş hakkım olmağın taleb ederim deyü da‘vâ ol dahi havâlenâmeden ancak yüz yirmi guruş deyni olduğunu ikrâr ve i‘tirâf etmeğin alâ-mûcibi i‘tirâfihî meblağ-ı mezbûr yüz yirmi guruşun edâsıyla mezbûr el-Hâc Abdullah ilzâm olunmuşdur. Fî 19 Zilka‘de 1152.