Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 376 Hüküm no: 386 Orijinal metin no: [58a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekeden hakkını almadığını iddia eden mühtedi Mehmed’in iddiasından vazgeçtiği Bâ-mühr-i efendi Ma‘rûz Sâhib-i arzuhâl mühtedî Mehmed dîvân-ı âlîlerinde babası Yako nâm Yahûdi ile mürâfa‘a olduklarında mukaddemâ hâlike olup verâseti benimle babam merkūm Yako’ya münhasıra olan anam Sara nâm Yahûdiye’nin terekesini defterim mûcebince merkūm kabz edip benim hisse-i ma‘lûmemi vermemişdir taleb ederim deyü ba‘de’d-da‘vâ merkūm Yako cevâbında oğlum merkūm şeref-i İslâmla müşerrefe olmazdan mukaddem anası merkūmenin terekesinden bi’t-tamâm hisse-i irsiyesin yedimden kabz edip tereke-i mezbûreye müte‘allıka âmme-i da‘vâdan zimmetimi ibrâ edip yedime hüccet verilmiş idi deyü bir kıt‘a takrîri üzere hüccet ibrâz ettikde gıbbe’l-istintâk merkūm mühtedî Mehmed dahi hâl vech-i muharrer üzere olduğunu meclis-i şer‘de ikrâr etmeğin alâ-mûcib-i i‘tirâfihî merkūm bi-gayr-ı vechin mu‘ârazadan men‘ olunduğu huzûr-ı âlîlerine i‘lâm olundu. El-emru li-men-lehü’l-emr. Fî 20 min-Zilka‘de sene 1152.