Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 376 Hüküm no: 387 Orijinal metin no: [58a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer’in gemisine buğday ve arpa yükleyen mellah taifesinden her birine ikişer yüz akçe vereceği Ma‘rûz Mellâh tâifesinden ashâb-ı arzuhâl Mehmed b. Abdullah ve Ali b. İbrahim ve Mustafa b. el-Hâc İsmail nâm kimesne ile Yani v. Anton ve Kostantin v. Yorgi ve Nikola v. Rado ve Pariş v. Apostol ve Manol v. İstifan ve Nikola v. Mihal ve Apostol v. Kosta ve Nikola v. Yorgi ve Palaş v. Dimitri nâm zimmîler Bâb Mahkemesi’nde meclis-i şer‘de derûn-ı arzuhâlde mezkûrü’l-ism el-Hâc Ömer b. el-Hâc Mehmed ile gemicilerin bâ-fermân-ı âlî ehl-i hibreleri el-Hâc Abdullah Kapudan hâzır olduğu halde ba‘de’l-mürâfa‘a mellâhûn-ı merkūmûn bundan akdem Karadeniz sevâhilinde Kavarna İskelesi’nden mezbûr el-Hâc Ömer’in sefînesini buğday ve arpa tahmîl ettiklerinde her birine doksan keyl üleşile? kavliyle tahmîl edip Âsitâne’ye geldiklerinde reis-i mezbûr el-Hâc Ömer mellâhûn-ı merkūmûndan her birine ecr-i misillerine mu‘âdil bin ikişer yüz akçe vermek üzerine ta‘ahhüd ettikde onlar dahi râzılar olup ol vechile kat‘-ı nizâ‘ etmeleriyle mellâhûn-ı merkūmûnun her birine bin ikişer yüz akçeyi edâya mezbûr el-Hâc Ömer’e tenbîh olunduğu huzûr-ı âlîlerine i‘lâm olundu. Fî 13 min-Zilka‘de sene 1152.