Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 379 Hüküm no: 392 Orijinal metin no: [58b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa’nın borcunu ödemesi Sâhib-i arzuhâl Muhtâr meclis-i şer‘de es-Seyyid Mehmed Ağa’dan mezbûr es-Seyyid Mehmed Ağa’ya bundan akdem yedi yüz seksen guruş karz verip yedime işbu mu‘anven ve mersûm mümzâ ve mahtûm temessükü verdikde yedi yüz guruş karz tahrîr ettirmişdir, hâlâ meblağ-ı mezbûr yedi yüz seksen guruşu taleb ederim deyü ba‘de’d-da‘vâ mezbûr es-Seyyid Mehmed Ağa temessük-i mezbûru ikrâr ve i‘tirâf etmeğin alâ-mûcib-i i‘tirâfihî meblağ-ı mezbûr yedi yüz guruşun edâsıyla ilzâm olunup ziyâde müdde‘âsı olan seksen guruşu isbât için merkūm Muhtâr beyâna havâle olunduğu huzûr-ı âlîlerine i‘lâm olundu. Fî 23 min-Zilka‘de sene 1152.