Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 379 Hüküm no: 391 Orijinal metin no: [58a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan’ın yanında çalışan adamları hapisten kurtarmak üzere Mehmed Ağa’ya para verdiğini ispatlayamadığı Sâhib-i arzuhâl Hasan Mahkeme-i Bâb’da meclis-i şer‘de sâbık Selanik mütesellimi olup derûn-ı arzuhâlde mezkûr es-Seyyid Mehmed Ağa mahzarında târîh-i i‘lâmdan üç ay mukaddem medîne-i Selanik’de vâki‘ Paşa sarayında hizmetkârım olup gāibûn ani’l-beled Metro ve Üstoyko ve Niko ve Nikola nâm zimmîleri merkūm es-Seyyid Mehmed Ağa bi-gayr-ı hakkın habs etmekle mesfûrûnu tahlîs için merkūm es-Seyyid Mehmed Ağa’ya bi-tarîkı’r-rüşvet yüz kırk guruş def‘ ü teslîm etmemle hâlâ meblağ-ı mezbûru merkūm es-Seyyid Mehmed Ağa’dan taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını beyâna kādir olmamağla merkūm es-Seyyid Mehmed Ağa bi’t-taleb tahlîf olunmağın mûcebince müdde‘î-i mezbûr bilâ-beyyine mu‘ârazadan men‘ olunduğu huzûr-ı âlîlerine i‘lâm olundu. El-emru li-men-lehü’l-emr. Fî 25 min-Zilka‘deti’ş-şerîfe sene 1152.