Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 381 Hüküm no: 395 Orijinal metin no: [58b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eşinden boşanan Fatıma’nın nafakadan vazgeçmesiyle çocuğunun yanında kalmasına izin verildiği Ma‘rûz Sâhibe-i arzuhâl Fâtıma nâm hatunun hasmı derûn-ı arzuhâlde mezkûrü’l-ism zevc-i sâbıkı Ali meclis-i şer‘de hâlâ mezbûre Fâtıma nefsini bi-hakkı’l-hıdâne hacr ve terbiyesinde olan işbu sagīre kızım Râbia’ya ecnebî olan İbrahim nâm kimesneye tezvîc etmekle hıdânesi kendiden sâkıta olmağın sagīre-i mezbûreyi taleb ederim deyü da‘vâya tasaddî eylediğimde mezbûre Fâtıma dahi sagīre-i mezbûreyi bilâ-nafaka kendi mâlından infâk ve iksâ etmek üzere ta‘ahhüd eyledikde ben dahi ber-vech-i muharrer sagīre-i mezbûreyi merkūme Fâtıma’dan nez‘ etmemeğe ta‘ahhüd edip kat‘-ı nizâ‘ eyledik dedikleri Bâb Mahkemesi’nde tescîl ve huzûr-ı âlîlerine i‘lâm olundu. El-emru li-men-lehü’l-emr. Fî 25 min-Zilka‘de sene 1152.