Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 381 Hüküm no: 397 Orijinal metin no: [58b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma bt. Abdullah’ın İbrahim’de alacağı olduğunu ispatlayamadığı Ma‘rûz Muhzır Mustafa mübâşeretiyle Bâb Mahkemesi’ne ihzâr olunan İbrahim’in hasmı Fâtıma bt. Abdullah nâm hatunun zâtı ba‘de’t-ta‘rîfi’ş-şer‘î meclis-i şer‘de mezbûr İbrahim Beşe mahzarında mezbûr İbrahim Beşe zimmetinde cihet-i karz-ı şer‘îden iki yüz guruş hakkım olmağla meblağ-ı mezbûru mezbûr İbrahim Beşe’den taleb ederim deyü ba‘de’d-da‘vâ ve’l-inkâr müdde‘iye-i mezbûre Fâtıma Hatun ber-vech-i muharrer müdde‘âsını beyâna kādire olmayıp talebiyle mezbûr İbrahim Beşe’ye vech-i şer‘î üzere yemîn vermeğin mûcebince müdde‘iye-i mezbûre Fâtıma Hatun bilâ-beyyine bî-vech mu‘ârazadan men‘ olunduğu tescîl ve huzûr-ı âlilerine i‘lâm olundu. Fî 26 min-Zilka‘de sene 1152.