Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 382 Hüküm no: 398 Orijinal metin no: [58b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Çuhadar Yakub’un alacağı olduğu iddiasının ispatlanamadığı Bâ-mühr-i efendi Ma‘rûz Şehzâde Câmi‘-i şerîfi kurbünde sâkin iken fevt olan Çukadâr es-Seyyid Eyüb’ün verâseti zevcesi Hamide ile sagīr oğlu es-Seyyid Mustafa ve sagīre kızı Şerife Fâtıma’ya münhasıra olup mezbûre Hamide sagīretân-ı mezbûretânın vasîleri olmağla dîvân-ı âlîlerinde sâhibe-i arzuhâl Zinola nâm Nasrâniyeden mûrisimiz zevcim müteveffâ es-Seyyid Eyüb bir buçuk sene mukaddem hayâtında mâlından merkūme Zinola’ya yedi yüz guruş ikrâz ve teslîm edip kable’l-ahz fevt olmağla meblağ-ı mezbûr bizlere mevrûs olmuşdur, asâleten ve vesâyeten taleb ederim deyü ba‘de’d-da‘vâ ve’l-inkâr müdde‘iye-i mezbûre müdde‘âsını beyân için imhâl olunup ve müddet-i mehil bi’d-defa‘ât mürûr edip ityân-ı beyyineye kādire ve yemîn vermeye tâlibe olmadığından gayrı da‘vâ-yı mezbûresinde şâibe-i tezvîr fehm olunmağın bilâ-beyyine-i âdile bi-gayr-ı vechin mu‘ârazadan men‘ olunduğu huzûr-ı âlîlerine i‘lâm olundu. El-emru li-men-lehü’l-emr. Fî 27 min-Zilka‘deti’ş-şerîfe sene 1152.