Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 383 Hüküm no: 401 Orijinal metin no: [59a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Yusuf’un debbâğ esnafından olup kendi halinde işinde gücünde olduğu Ma‘rûz Yedikule hâricinde vâki‘ debbâğlar esnafının kethüdâları es-Seyyid el-Hâc Ahmed ve ahi babaları el-Hâc Mehmed ve yiğitbaşıları diğer el-Hâc Mehmed ve hırfet-i mezbûreden müseccelü’l-esâmî kimesneler meclis-i şer‘de hırfet-i mezbûreden Mustafa b. Yusuf mahzarında mezbûr san‘atımız erbâbından olup kendü hâlinde kisb ile mukayyed olup kimesneyi ızrâr etmemeleriyle mezbûrun kavlen ve fi‘len evzâ‘ [ve] etvârından cümlemiz râzı ve şâhidleriz dedikleri ba‘de’t-tescîl iltimâslarıyla huzûr-ı âlîlerine i‘lâm olundu. Bâkī emr men-lehü’l-emrindir. Fî 15 Za sene [1]152.