Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 383 Hüküm no: 402 Orijinal metin no: [59a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tanaş’ın İbrahim’e olan borcunu ödemesi Ma‘rûz Dökmecibaşı bâ‘isü’l-i‘lâm el-Hâc İbrahim Bâb Mahkemesi’nde meclis-i şer‘de mahmiye-i İstanbul hısnı ebvâbından Cibali kapısı hâricinde mütemekkin olup mahrûse-i Galata’da Yeni Câmi‘ kurbünde Bakkāl Adamoğlu Tanaş zimmî muvâcehesinde mezbûr Tanaş zimmî zimmetinde cihet-i karz-ı şer‘îden bin beş yüz guruş hakkım olmağla meblağ-ı mezbûr bin beş yüz guruşu mezbûr Tanaş zimmîden taleb ederim deyü da‘vâ ettikde ol dahi ber-vech-i muharrer ikrâr ve i‘tirâf etmeğin alâ-mûcib-i i‘tirâfihî meblağ-ı mezbûr bin beş yüz guruşu müdde‘î-i merkūm el-Hâc İbrahim’e edâ ve teslîme mezbûr Tanaş zimmîye tenbîh olunduğu huzûr-ı âlîlerine i‘lâm olundu. El-emru li-men-lehü’l-emr. Fî 27 min-Zilka‘de sene 1152.