Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 386 Hüküm no: 409 Orijinal metin no: [59b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Acem Hüdaverdi’nin hizmetine karşılık aylık ücret istemesinin kanuni olmadığı Bâ-mühr-i efendi Ma‘rûz Sâhib-i arzuhâl Acem Hüdaverdi zimmî dîvân-ı âlîlerine İsmail nâm kimesneden İzmir’de vâki‘ ırgadbaşılık hizmetinin nısfı bundan akdem berâtla üzerimde iken mutasarrıf olduğum iki sene mukaddem mezbûr İsmail’e fâriğ olup üzerine berâtla tevcîh olunup hâlâ mutasarrıf olmağla ancak benim ber-vech-i muharrer mezbûra ferâğımda mezbûr İsmail beher mâh bana beşer guruş vermek üzere va‘d etmiş idi, mezbûrun va‘dine binâen târîh-i mezbûrdan beri müctemi‘ olan meblağ-ı mezbûru taleb ederim deyü eylediği da‘vâsı meşrû‘a olmamağla mesfûr zimmî bi-gayr-ı vechin mu‘ârazadan men‘ olunduğu huzûr-ı âlîlerine i‘lâm olundu. Fî 27 Zilka‘de sene 1152.