Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 387 Hüküm no: 411 Orijinal metin no: [59b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Beşe’nin pamuk bedelinden olan borcunu ödemesi Ma‘rûz Sarrâc el-Hâc Ömer mübâşeretiyle Bâb Mahkemesi’ne ihzâr [olunan] İbrahim Beşe’nin hasmı İbrahim Efendi meclis-i şer‘le mezbûr İbrahim Beşe zimmetinde penbe bahâsından otuz yedi guruş hakkım olmağla taleb ederim deyü da‘vâ ettikde ol dahi ikrâr lâkin meblağ-ı mezbûr otuz yedi guruşu medîne-i Tosya’da kendi menzilinde tamâmen teslîm eyledim deyü ba‘de’d-def‘ ve’l-inkâr mezbûr İbrahim Beşe def‘-i mezkûrunu beyâna kādir olmayıp bi’t-taleb merkūm İbrahim Efendi’ye yemîn verilmeğin mûcebince meblağ-ı mersûm otuz yedi guruşu müdde‘î-i merkūm İbrahim Efendi’ye edâya mezbûr İbrahim Beşe’ye tenbîh olunmuşdur. Fî-gurreti Zilhicceti’ş-şerîfe sene 1152.