Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 387 Hüküm no: 412 Orijinal metin no: [59b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Beşe’nin alacağı olduğu iddiasını ispatlayamadığı Ma‘rûz Sâhib-i arzuhâl İbrahim Beşe Mahkeme-i Bâb’da meclis-i şer‘de derûn-ı arzuhâlde mezkûrü’l-ism İbrahim Efendi’den, mezbûr İbrahim medîne-i Tosya’da benden bi-gayr-ı hakkın elli dört guruş almağın meblağ-ı mezbûr elli dört guruşumu mezbûr İbrahim Efendi’den taleb ederim deyü ba‘de’d-da‘vâ ve’l-inkâr müdde‘î-i merkūm İbrahim Beşe ber-vech-i muharrer müdde‘âsın bir vechile beyâna kādir olmayıp talebiyle mezbûr İbrahim Efendi’ye vech-i şer‘î üzere yemîn verilmeğin mûcebince müdde‘î-i merkūm İbrahim Beşe bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Bâkī emr ü fermân men-lehü’l-emrindir. Fî Zilhicce sene 1152.