Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 395 Hüküm no: 427 Orijinal metin no: [61a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın evinde kiracı olan Çukadar Mehmed’in boşaltması Ma‘rûz Sâhib-i arzuhâl el-Hâc Mustafa meclis-i şer‘de derûn-ı arzuhâlde mezkûrü’l-ism Çukadâr Mehmed muvâcehesinde mezbûr Çukadâr Mehmed İstanbul’da Müftü Ali Çelebi mahallesinde menzil-i mezbûr icâresinden müctemi‘ olan beş guruş ile menzil-i mezbûru tahliye ve bana teslîme tenbîh olunmak murâdımdır deyü da‘vâ ol dahi ber-vech-i muharrer menzil-i mezbûr icâresinden zimmetinde beş guruş deynini merkūm el-Hâc Mustafa ile fesh-i akd-i icâre eylediğini ikrâr ve i‘tirâf ettikden sonra mezbûr Çukadâr Mehmed menzil-i mezbûru tahliye ve târîh-i i‘lâm şehrinin on üçüncü günü mezbûr el-Hâc Mustafa’ya teslîme ta‘ahhüd eylediği ba‘de’t-tescîl meblağ-ı mezbûr beş guruşu müdde‘î-i mezbûr el-Hâc Mustafa’ya edâ ve teslîme mezbûr Çukadâr Mehmed’e tenbîh olunduğu huzûr-ı âlîlerine i‘lâm olundu. Fî 5 Zilhicce sene 1152.