Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 397 Hüküm no: 431 Orijinal metin no: [61b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Simyon’un Dimitri’den alacaklı olduğu zeytinyağı konusunda anlaşma sağlandığı Yağcı tâifesinden sâhib-i arzuhâl Simyon zimmî Bâb Mahkemesi’nde meclis-i şer‘de derûn-ı arzuhâlde mastûr Dimitri zimmî ile bi’t-terâzi terâfu‘ eylediğinde mezbûr Dimitri zimmetinde revgan-ı zeyt bahâsından üç yüz guruş hakkım olmağla taleb ve da‘vâ sadedinde olup ba‘de vukū‘i’l-münâza‘a tavassut-ı muslihîn ile yüz vakıyye revgan-ı zeyt-i makbûza mezbûr Dimitri ile sulh olup husûs-ı mezbûra müte‘allıka âmme-i da‘vâdan her birimiz âharın zimmetini ibrâ ve ıskāt edip kat‘-ı nizâ‘ eyledik dedikleri tescîl ve huzûr-ı âlîlerine i‘lâm olundu. Fî 7 Zilhicce sene 1152.