Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 397 Hüküm no: 432 Orijinal metin no: [61b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Odabaşı’nın İbrahim’e sattığı sakat kır bargir hususundaki davada sulh sağlandığı Ma‘rûz Bâ‘is-i i‘lâm İbrahim nâm kimesne Bâb Mahkemesi’nde meclis-i şer‘de İsmail Odabaşı nâm kimesne mahzarında târîh-i kitâbdan bir gün mukaddem mezbûr İsmail Odabaşı işbu kır bargirini bana kırk beş guruş semen-i makbûza bey‘ ben dahi ber-vech-i muharrer iştirâ ve kabz eylediğimden sonra bargir-i mezkûr yem yemez ve ön ayakları topaldır deyü da‘vâya tasaddî etmiş idim, hâlâ da‘vâ-yı mezkûremden fâriğ olup husûs-ı mezkûra müte‘allıka mezbûr İsmail Odabaşı ile kat‘an da‘vâ ve husûmetim yokdur dedikde ol dahi ba‘de’t-tasdîk huzûr-ı âlîlerine i‘lâm olundu. El-emru li-men-lehü’l-emr. Fî 14 Zilhicce sene 1152.