Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 398 Hüküm no: 434 Orijinal metin no: [61b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Onan’ın Manok’a olan borcunu ödemesi Ma‘rûz Bâlâ-yı derkenârda mezkûr Manok nâm zimmî Bâb Mahkemesi’nde meclis-i şer‘de derkenâr[da] mastûrü’l-ism Onan zimmî muvâcehesinde derûn-ı derkenârda zikr olduğu vech üzere mesfûr Onan zimmetinde mahkûmun-bih on üç guruş hakkım olmağla meblağ-ı mezbûru mesfûr Onan zimmîden taleb ederim deyü da‘vâ eyledikde ol dahi ber-vech-i muharrer ikrâr ve i‘tirâf etmeğin mûcebince meblağ-ı mezbûr on üç guruşu müdde‘î-i mesfûr Manok zimmîye edâ ve teslîme mersûm Onan zimmîye tenbîh olunduğu tescîl ve huzûr-ı âlîlerine i‘lâm olundu. Fî 14 min-Zilhicce sene [1]152.