Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 403 Hüküm no: 443 Orijinal metin no: [62b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Halil’in varislerinden Mahmud’a hakkının verilmesi Derûn-ı arzuhâlde mezkûr Halil nâm müteveffânın er karındaşı arzuhâl sâhibi Mahmud bi’t-terâzi Bâb Mahkemesi’nde meclis-i şer‘de müteveffâ-yı mezbûrun on dört bin üç yüz on akçe terekesine vâzı‘u’l-yed olan karındaşı İbrahim’den karındaşımız müteveffâ-yı mezbûrun verâseti bana ve mezbûr İbrahim’e ve âhar karındaşlarımız gāibûn ani’l-beled Ali ve Hüseyin ve kız karındaşımız Âişe’ye münhasıra olup mesele-i mîrâsımız dokuz sehmden olmağla ikişer sehmi bana ve karındaşlarıma ve bir sehmi kız karındaşıma isâbet etmeğin tashîh-i mezkûr üzere meblağ-ı mezbûr hisseme üç bin seksen sekiz akçe isâbet etmekle taleb ederim deyü da‘vâ ettikde mezbûr İbrahim dahi ber-vech-i meşrûh olduğunu ikrâr ve i‘tirâf etmeğin mûcebince meblağ-ı mezbûru müdde‘î-i mezbûr Mahmud’a redd ü teslîme mezbûr İbrahim’e tenbîh olunduğu huzûr-ı âlîlerine i‘lâm olundu. Fî 5 Zilhicce sene 1152.