Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 402 Hüküm no: 442 Orijinal metin no: [62a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud adlı gulâmın firar ettiği Bâ-mühr-i efendi Ma‘rûz Ali b. Hacı Halil nâm kimesne meclis-i şer‘de İsmail b. Abdullah nâm kimesne muvâcehesinde bundan akdem medîne-i Kayseriye’de yedimde mâlım iken ibâk ve firâr eden yüz altmış guruş kıymetli bir re’s Gürciyyü’l-asl Müslimü’l-millet Mahmud nâm gulâmımı işbu hâzır bi’l-meclis Mehmed b. Feyzullah vekîlim olmağla iznimle vekâleten mahmiye-i İstanbul’da bulup ahz ve merkūm İsmail’in yedine îdâ‘ ve teslîm etmiş idi, el-hâletü hâzihi yedinde kalmağla taleb ederim deyü da‘vâ mezbûr İsmail dahi gulâm-ı mezbûru ber-vech-i muharrer ahzını ikrâr lâkin te‘addî ve taksîrimsiz yedimden ibâk ve firâr eyledi deyücek merkūm İsmail husûs-ı mezbûrda yemîniyle tasdîk olunur ümenâdan olmağın bi’t-taleb ba‘de’t-tahlîfi’ş-şer‘î mûcebince müdde‘î-i mezbûr Ali ber-minvâl-i muharrer mezbûr İsmail’e bi-gayr-ı vechin mu‘ârazadan men‘ olunduğu mübâşirleri Kapı Kethüdâsı Mehmed Beşe kulları ma‘rifetiyle ba‘de’t-tescîl huzûr-ı âlîlerine i‘lâm olundu. Fî 17 Zilhicce sene 1152.