Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 406 Hüküm no: 449 Orijinal metin no: [62b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nişli Ahmed’in Bakkal Nikola’yı bıçakla yaraladığı Mumcu Yakub Beşe mübâşeretiyle Mahkeme-i Bâb’a ihzâr olunan Nişli Ahmed b. Abdullah’ın hasmı Bakkāl Nikola v. Yorgi zimmî meclis-i şer‘de mezbûr Ahmed târîh-i i‘lâmdan bir gün mukaddem Yeni odalar kurbünde Akarçeşme’de vâki‘ Sarı Solak dükkânı demekle ma‘rûf bakkāl dükkânı içinde siyâh kabzalı bıçak ile bi-gayr-ı hakkın amden sol boş böğrümün üzerine ve başımın sol tarafına darb ve cerh etmekle mûcib-i şer‘îsini mezbûr Ahmed’den taleb ederim deyü ba‘de’d-da‘vâ ve’l-inkâr müdde‘î-i mesfûr ber-vech-i muharrer müdde‘âsını lede’t-tezkiye adâletleri zâhir olan Manav Osman b. Musa ve Manav Mustafa b. Ahmed nâm kimesneler şehâdetleriyle mezbûr Ahmed muvâcehesinde vech-i şer‘î üzere isbât etmeğin cerh-i mezkûrun mûcib ber’-i tâm husûlüne tevkīf olunduğu huzûr-ı âlîlerine i‘lâm olundu. Bâkī emr ü fermân men-lehü’l-emrindir. Fî 25 Zilhicce sene 1152.