Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 410 Hüküm no: 458 Orijinal metin no: [63b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Küfreden Ali Beşe’nin cezalandırılması Ma‘rûz Mumcu Osman Beşe mübâşeretiyle Bâb Mahkemesi’nde meclis-i şer‘de ihzâr olunan Ali Beşe’den hasımları es-Seyyid Ahmed Efendi ve es-Seyyid Mehmed Efendi ve el-Hâc Mustafa nâm kimesneler târîh-i i‘lâmdan beş gün mukaddem mezbûr Ali Beşe İstanbul’da Hadîce Sultan mahallesinde her birimize bi-gayr-ı hakkın mûcib-i ta‘zîr olan elfâz ile şetm etmekle mûcib-i şer‘îsini taleb ederim deyü da‘vâ eylediklerinde mezbûr Ali Beşe dahi ba‘de’l-inkâr mezbûrûn müdde‘âlarını udûlden Ahmed b. Mehmed ve Veliyüddin b. Süleyman şehâdetleriyle vech-i şer‘î üzere isbât etmeleriyle mûcebince mezbûr Ali Beşe’ye ta‘zîr lâzım geldiği huzûr-ı âlîlerine i‘lâm olundu. Fî 23 Zilhicce sene 1152.