Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 414 Hüküm no: 466 Orijinal metin no: [64a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalyoncu Halil’in İbrahim’e küfretmesi sebebiyle cezalandırılması Ma‘rûz Mahmiye-i İstanbul’da Koğacı Dede mahallesinde sâkin sâhib-i arzuhâl İbrahim Bâb Mahkemesi’nde meclis-i şer‘de Mumcu Musa mübâşeretiyle ihzâr ettirdiği derûn-ı arzuhâlde mezkûr Kalyoncu Halil muvâcehesinde mezbûr Halil bundan akdem bi’d-defa‘ât âlet-i harbile sâkin olduğum menzilim kapısına gelip mûcib-i ta‘zîr olan elfâzla bana şetm ve bunun emsâli fuhşiyât ile hetk-i ırz etmekle mûcib-i şer‘îsini taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını mahalle-i mezbûre ahâlîsinden on beş nefer mektûbü’l-esâmî kimesneler şehâdetleriyle vech-i şer‘î üzere merkūm Kalyoncu Halil muvâcehesinde isbât etmeğin mûcebince mezbûr Kalyoncu Halil’e şer‘an ta‘zîr lâzım geldiği huzûr-ı âlîlerine i‘lâm olundu. Bâkī emr. Fî 25 Zilhicce sene 1152.