Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 413 Hüküm no: 465 Orijinal metin no: [64a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın Aleksan’dan alacağı konusunda sulh sağlandığı Bâ-mühr-i efendi Ma‘rûz Sâhib-i arzuhâl Mustafa meclis-i şer‘de derûn-ı arzuhâlde mastûrü’l-ism Aleksan zimmî muvâcehesinde mesfûr Aleksan zimmetinde cihet-i karz-ı şer‘îden iki yüz guruş hakkım vardır taleb ederim deyü eylediği da‘vâsından an-inkâr otuz guruş bedel-i makbûza mezbûr Aleksan ile vech-i şer‘î üzere sulh olup mâ‘adâsına ve gayre müte‘allıka âmme-i da‘vâdan mesfûr Aleksan’ın zimmetini ibrâ ve ıskāt edip kat‘-ı nizâ‘ eyledikleri mübâşirleri el-Hâc Ahmed Çavuş kulları mübâşeretiyle ba‘de’t-tescîl ve huzûr-ı âlîlerine i‘lâm olundu. Fî 24 min-Zilhicce sene 1152.