Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 418 Hüküm no: 475 Orijinal metin no: [64b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sarı Tebrek adlı zimmi fakir olduğundan cizye alınmaması Ma‘rûz İncesu kazâsı sükkânından sâhib-i arzuhâl Sarı Tebrek nâm zimmî zâhirü’l-gınâ olmayıp pîr-i fânî ve amel-mânde ve kâr [u] kisbe adem-i iktidârı olmağla suâl ile ta‘ayyüş edip ism-i mâl ıtlâk olunur nesnesi ancak lâbis olduğu köhne libâsına münhasıra ve şurût-ı cizyeye mutâbık mu‘dim ve mu‘sir olduğu keyfiyetine vukūf-ı tâmmı olan kazâ-i mezbûr ahâlîsinden Ali b. Mustafa ve Abdurrahman b. Ali nâm kimesneler alâ-tarîkı’ş-şehâde haberleriyle şer‘an mütehakkık olmağın cizye talebiyle rencîde olunması meşrû‘ olmadığı huzûr-ı âlîlerine i‘lâm olundu. Fî 28 min-Zilhicce sene 1152.