Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 421 Hüküm no: 483 Orijinal metin no: [65a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şirugancı esnafından olmayan Hayım’ın gizlice susam alarak yağcılık yapmaması İstanbul’da vâki‘ şirûgancı esnafının kethüdâları Ahmed b. Ali ve esnafından el-Hâc Hüseyin b. Mustafa ve el-Hâc İbrahim b. Ali nâm kimesneler ile zimmîlerden Anaştaş v. Tamanos ve Lazari v. Vasil ve Kostantin v. Semoz ve diğer Kostantin v. Yovan nâm zimmîler Mahkeme-i Bâb’da meclis-i şer‘de Hayım v. Avram nâm Yahûdi muvâcehesinde mesfûr Hayim esnafımızdan olmayıp bize mahsûs metâ‘ımız olan susamı tüccârdan hufyeten iştirâ edip ba‘zı mahallerde yağ çıkarırım deyü mersûm Hayım Yahûdi nizâm-ı kadîmimize mugāyir vaz‘ u hareket etmekle esnafımız beyninde idlâle bâ‘is olur deyü her biri teşekkî eylediklerinde ol dahi ber-vech-i mübeyyen ikrâr ve i‘tirâf etmeğin mersûm Hayım Yahûdi ba‘de’l-yevm zikr olunan şirûgancı esnafına mahsûs olan susamı hufyeten iştirâ edip yağcılık umûruna karışmamak üzere ta‘ahhüd eylediği tescîl ve huzûr-ı âlîlerine i‘lâm olundu. Fî-selhi Zilhicce sene 1152.