Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 421 Hüküm no: 484 Orijinal metin no: [65a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tüccar Osman’ın İbrahim ve Mahmud’a don yağı gönderdiğini ispatlayamadığı Bâ-mühr-i efendi Tüccârdan es-Seyyid el-Hâc Osman meclis-i şer‘de mahmiye-i İstanbul’da Balkapanı hamalbaşısı İbrahim ve istifci Mehmed nâm kimesneler muvâcehelerinde bundan akdem dört yüz dört vakıyye bir yedek don yağımı gümrük-i kebîrden işbu hâzırân bi’l-meclis Hamal Mehmed ve Mustafa tahmîl ve kapan-ı mezbûrda merkūmân İbrahim ve Mahmud’un yedlerine irsâl ve îsâl ü teslîm eylediğimde onlar dahi bi’l-emâne kabz etmişlerdir, hâlâ taleb ederim deyü da‘vâ onlar dahi inkâr edip müdde‘î-i mezbûr müdde‘âsını isbâta kādir olmayıp tâlib-i tahlîf dahi olmamağla mûcebince müdde‘î-i mezbûr ber-vech-i mübeyyen bilâ-beyyine bi-gayr-ı vechin mu‘ârazadan men‘ olunduğu huzûr-ı âlîlerine i‘lâm olundu. Bâkīyü’l-emr li-men-lehü’l-emr. Fî selhi Zilhicceti’ş-şerîfe sene 1152.