Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 425 Hüküm no: 494 Orijinal metin no: [66a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nüzul Kâtibi Ahmed Efendi’nin varisleri arasındaki davaya sulh bedeli karşılığı son verildiği Ma‘rûz Sâhib-i arzuhâl Ömer Mahkeme-i Bâb’da meclis-i şer‘de müteveffâ Nüzûl Kâtibi Ahmed Efendi b. Mustafa b. Ali’nin verâseti li-ebeveyn er karındaşı Abdullah ile kız karındaşı Ümmügülsüm Hatun’a münhasıra olduğu lede’ş-şer‘i’l-enver mütehakkık oldukdan sonra mezbûr Abdullah ile merkūme Ümmügülsüm’ün zevci tarafından vekîl-i sâbitü’l-vekâlesi Musa mahzarında müteveffâ-yı mezbûr Ahmed Efendi’nin tereke-i vâfiyesinden edâ olunmak üzere cihet-i karzdan müdde‘âsı olan yüz elli guruşu tavassut-ı muslihîn ile an-inkâr altmış guruş bedel-i makbûza sulh olup mâ‘adâ doksan guruşa müte‘allıka âmme-i da‘vâdan mezbûr Abdullah ile müvekkile-i merkūme Ümmügülsüm’ün zimmetini ibrâ ve ıskāt eyledim deyü takrîri ba‘de’t-tasdîk huzûr-ı âlîlerine i‘lâm olundu. Fî 2 min-Muharremi’l-harâm sene 1153.