Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 426 Hüküm no: 495 Orijinal metin no: [66a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kirkor’un Mustafa Efendi’den istediği paranın, niyabeti sırasında Kirkor’un Karabet’e borcu için alınan para olduğu Bâ-mühr-i efendi Ma‘rûz Sâhib-i arzuhâl Kirkor zimmî meclis-i şer‘de derûn-ı arzuhâlde mastûrü’l-ism Mustafa Efendi muvâcehesinde bundan akdem merkūm Mustafa Efendi medîne-i Kütahya’da hâl-i niyâbetinde bi-gayr-ı hakkın yüz on dört guruşumu ahz eyledi hâlâ taleb ederim deyü da‘vâ ol dahi cevâbında gāib ani’l-beled Karabet zimmî mesfûr Kirkor’dan cihet-i deyn-i şer‘îden yüz on dört guruş hakkım vardır deyü hâl-i niyâbetimde huzûr-ı şer‘de da‘vâ ve müdde‘âsını şâhideyn-i âdileyn ile bi’l-muvâcehe ber-nehc-i şer‘î isbât etmeğin mûcebince ben dahi hükm ve meblağ-ı mezbûru mesfûr Kirkor’dan tahsîl ve ahz ve merkūm Karebet’e tamâmen teslîm eyledim deyücek husûs-ı mezbûrda merkūm Mustafa Efendi ber-mûceb-i fetvâ-i şerîfe kavli ile tasdîk olunmağın mûcebince müdde‘î-i mesfûr Kirkor ber-vech-i muharrer bi-gayr-ı vechin mu‘ârazadan men‘ olunduğu huzûr-ı âlîlerine i‘lâm olundu. Fî 4 Muharrem sene 1153.