Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 437 Hüküm no: 518 Orijinal metin no: [67b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Çelebi’nin vakfettiği evi haksız yere elinde bulunduran Ali’nin gerçek hak sahibi Habibe’ye devrettiği Ma‘rûz Sâhibe-i arzuhâl Rukiye Hatun zâtı ba‘de’t-ta‘rîfi’ş-şer‘î meclis-i şer‘de derûn-ı arzuhâlde mastûrü’l-ism Ali nâm kimesne muvâcehesinde mahmiye-i İstanbul’da Kürkçübaşı mahallesinde vâki‘ merhûm Mustafa Çelebi nâm sâhibü’l-hayrın vakfı olan bir bâb menzilin nısfı ammetesi ve vasiyesi olduğum işbu sagīre Habibe’nin ve nısf-ı âharı vâlidesi olup bundan akdem vefât eden Hadîce bt. Mehmed’in tasarruflarında iken merkūme Hadîce maraz-ı mevtinde kendi nısf hissesini mezbûr Ali’ye ba‘de’l-ferâğ sagīre-i merkūmenin nısf hissesini dahi izn-i şer‘î yoğiken mütevellî-yi vakf yine mezbûr Ali’ye îcâr etmiş idi deyü bi’l-vesâye da‘vâya tasaddî eylediğinde ba‘de’l-münâza‘a mezbûr Ali menzil-i mezbûrun cümlesini hüsn-i rızâsıyla ba-ma‘rifet-i mütevellî sagīre-i mezbûre Habibe’ye ferâgat eylediğinde merkūme Rukiye dahi kendi mâlından teberru‘an mezbûr Ali’ye on beş guruş verip bu vechile kat‘-ı nizâ‘ eyledikleri Bâb Mahkemesi’nde ba‘de’t-tescîl huzûr-ı âlîlerine i‘lâm olundu. El-emru li-men-lehü’l-emr. Fî 14 min-Muharrem sene 1153.