Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 441 Hüküm no: 527 Orijinal metin no: [68b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Kanalo’nun Osman’dan aldığı arpanın satışından vazgeçildiğinden Osman’ın zimmetinde kalan parayı ödemesi Ma‘rûz Muhzır el-Hâc Mustafa mübâşeretiyle Bâb Mahkemesi’ne ihzâr olunan el-Hâc Osman’ın hasmı Bakkāl Kanalo zimmî meclis-i şer‘de mezbûr el-Hâc Osman beher keyli yirmişer paraya olmak üzere iki yüz yetmiş bir keyl şa‘îrini bundan akdem bana bey‘ ve teslîm etmiş idi, hâlâ bey‘-i mezkûru rızâmız ile ikāle eylediğimizde mezbûr el-Hâc Osman zikr olunan iki yüz yetmiş bir keyl şa‘îrin semeni olan beş bin dört yüz yirmi paranın beher keyli on beşer para hesâbı üzere dört bin altmış parasını bana verip bin üç yüz elli parası zimmetinde bâkī kalmağla meblağ-ı bâkī-yi mezbûr bin üç yüz elli parayı taleb ederim deyü da‘vâ eyledikde ol dahi ber-vech-i muharrer bey‘-i mezkûr ikāle edip zimmetinde bin üç yüz elli beş para deyni olduğunu ikrâr etmeğin mûcebince meblağ-ı bâkī-yi mezbûr bin üç yüz elli beş parayı müdde‘î-i mezbûr Kanalo zimmîye edâ ve teslîme merkūm el-Hâc Osman’a tenbîh olunduğu huzûr-ı âlîlerine i‘lâm olundu. Fî 14 min-Muharremi’l-harâm sene 1153.