Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 441 Hüküm no: 526 Orijinal metin no: [68b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan’ın Hamza’ya küfretmesi, Hamza’nın da Hasan’ı yaralamasıyla birbirlerinden davacı olduktan sonra aralarında sulh sağlandığı Mumcu Mehmed Beşe mübâşeretiyle Bâb Mahkemesi’ne ihzâr olunan Hamza b. Ali’nin hasmı Hasan b. Ali nâm kimesne meclis-i şer‘de târîh-i i‘lâmdan bir gün mukaddem Soğan Ağa mahallesinde vâki‘ sâkin olduğum menzilimin kapısına gelip bana bi-gayr-ı hakkın şütûm-ı galîza ile şetm etmekle mûcib-i şer‘îsini taleb ve da‘vâ ve mezbûr Hamza dahi merkūm Hasan târîh-i mezkûrda kılıç ile sol kulağıma bi-gayr-ı hakkın darb ve cerh etmekle mûcib-i şer‘îsini taleb ve da‘vâ sadedinde olmalarıyla beynlerine muslihûn tavassut edip her biri da‘vâ-yı mezkûrelerinden meccânen fâriğler olup zikr olunan husûslara ve cerh-i mezkûra ve mâ yahdüsü anhe müte‘allıka âmme-i da‘vâdan her biri âharı ibrâ ve ıskāt edip bu vechile kat‘-ı nizâ‘ eyledikleri huzûr-ı âlîlerine i‘lâm olundu. Fî 14 Muharrem sene 1153.