Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 442 Hüküm no: 529 Orijinal metin no: [68b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saatin’in Kirkor’dan aldığı un ücretini ödediği Ma‘rûz Ordu-yı hümâyûn habbâzlarından Ananiye v. Kirkor nâm zimmî Bâb Mahkemesi’nde meclis-i şer‘de Ekmekcibaşı Saatin v. Bağdasar zimmî muvâcehesinde mesfûrun yedinde olan bir kıt‘a mazmûnu sâbit hüccet-i şer‘iyye nâtık olduğu üzere bin yüz elli iki senesi Cumâdelûlâ gurresinden Receb-i şerîfi gāyetine gelince üç aylık [za]mânda dakīk semeni olan iki yüz elli guruşu mesfûr Saatin yedinden tamâmen ahz u kabz eyleyip husûs-ı mezkûra müte‘allıka âmme-i da‘vâdan mesfûrun zimmetini ibrâ ve ıskāt eylediğini tâyi‘an ikrâr ve i‘tirâf eylediğini ba‘de’t-tasdîk tescîl olunduğu huzûr-ı âlîlerine i‘lâm olundu. El-emru li-men-lehü’l-emr. Fî 15 min-Muharremi’l-harâm sene 1153.