Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 442 Hüküm no: 530 Orijinal metin no: [68b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdi’nin Maksud adlı cariyeyi azat ettiği Ma‘rûz Derûn-ı arzuhâlde mezkûre Gürciyyetü’l-asl ma‘lûmetü’l-evsâf Maksud nâm câriye Bâb Mahkemesi’nde meclis-i şer‘de kendüye rakīka olmak üzere vâzı‘u’l-yed sâhib-i arzuhâl Abdi nâm şâbb-ı emred muvâcehesinde ben mezbûr Abdi’nin babası Musli nâm müteveffânın câriye-i memlûkesi iken hayâtında beni mâlından âzâd etmiş iken mezbûr Abdi bî-vech müdâhale etmeğin kasr-ı yedine tenbîh olunsun deyü da‘vâ ol dahi müdde‘iye-i mezbûre Maksud babam müteveffâ-yı mezbûrdan bana mevrûsdur deyü ıtkını ba‘de’l-inkâr ve’l-münâza‘a yine mezbûr Abdi merkūme Maksud’u meclis-i şer‘de cemî‘ mâlından tahrîr ve i‘tâk eylediği tescîl ve huzûr-ı âlîlerine i‘lâm olundu. Fî 15 min-Muharrem sene 1153.