Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 445 Hüküm no: 536 Orijinal metin no: [69a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye Hatun’un Kırkkilise’deki çiftliğine çalışanlarıyla beraber giderken yolda zorluk çıkarılmaması Ma‘rûz Sâhib-i arzuhâl merhûm Beşli Mehmed Efendi kerîmesi Rukiye Hatun medîne-i hazreti Ebî Eyyûb el-Ensârî mahallâtından Câmi‘-i kebîr mahallesi sâkinelerinden olup târîh-i i‘lâmdan bir sene mukaddem vilâyet-i Rumeli’nde Kırkkilise kazâsında vâki‘ çiftliğinde ba‘zı çiftlik umûrunu görmek için kendi ve iki nefer câriyesi ve bir sagīre kızı ile gittiğini mahalle-i mezbûre imâmı Mehmed Efendi ve ahâlîsinden beş nefer mazbûtü’l-esâmî sikāt-ı sahîhatü’l-kelimât Müslimîn meclis-i şer‘de her biri alâ-tarîkı’ş-şehâde haber vermeleriyle mezbûre Rukiye Hatun esnâ-i tarîkde mürûr-ı ubûruna mümâna‘at olunmamak üzere fermân-ı âlî ricâsında oldukları huzûr-ı âlîlerine i‘lâm olundu. Fî 20 min-Muharremi’l-harâm sene 1153.