Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 444 Hüküm no: 535 Orijinal metin no: [69a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Beşe’nin süt annesi olduğu bahanesiyle Râbia Hatun’un evine gelip uygunsuz harekette bulunmamaları Ma‘rûz Oruc Gāzî mahallesi müezzini ve imâm vekîli olan Abdullah Efendi ve ahâlî-i mahalleden on beş nefer müseccelü’l-esâmî kimesneler Bâb Mahkemesi’nde Mumcu İbrahim Beşe mübâşeretiyle meclis-i şer‘a ihzâr ettirdikleri Râbia Hatun ile Ahmed Beşe b. Mehmed muvâcehelerinde mezbûre Râbia Hatun mahallemizde sâkine olup merkūm Ahmed Beşe mezbûrenin menziline rıdâen oğlu olmak bahânesiyle gecelerde gelip sû-i hâl üzere olmağla bir vechile mezbûrândan emniyetimiz yokdur deyü teşekkî eylediklerinde mezbûre Râbia Hatun menziline ecnebî kimesneler getirmeyip ve merkūm Ahmed Beşe dahi fîmâ-ba‘d mezbûrenin menziline varmamak üzere ta‘ahhüd eylediklerinde onlar dahi râzılar olup kat‘-ı nizâ‘ eyledikleri huzûr-ı âlîlerine i‘lâm olundu. Fî 20 Muharrem sene 1153.