Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 452 Hüküm no: 552 Orijinal metin no: [70a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi ve bezir yağcı ustalarından bir kısmının insanların Kıbtî taifesinden olup elek kalbur yapanlara kefil oldukları Bâ-mühr-i efendi Ma‘rûz Âsitâne’de habbâz tâifesinin kethüdâsı Mehmed b. Ali ve tâife-i mezbûreden el-Hâc Hasan ve İbrahim ve el-Hâc Ali nâm kimesneler ve Bedros ve Aramye ve Toros ve Barsam ve Ohan ve Oganes ve Galata’da bezir yağcı ustalarından Kostandi ve Anaştaş ve Filbos nâm zimmîler meclis-i şer‘de mahmiye-i İstanbul hısnı ebvâbından Topkapısı dâhilinde Bayezid mahallesinde mütemekkinler olan hâzırûn bi’l-meclis Serkiz v. Bahadır ve Artin v. Perçevan ve Agob v. Donik ve Agob v. Artin ve Bahadır v. İsayi ve Begos v. Andriye ve İsa v. Bahadır ve Artin v. Haçador ve Olinik v. Arzuman ve Şahbaz v. Haçador nâm zimmîler Kıbtî tâifesinden olduklarından mâ‘adâ mesfûrûn bize ve Saray-ı cedîd ve atîk ve sâir işledikleri elek ve kalburun vücûhla lüzûmları olmağla mesfûrûnun nefislerine ve hîn-i mutâlebede meclis-i şer‘a ihzârlarına kefîlleriz deyüp yine mahalle-i mezbûrede mütemekkin olmaları bâbında fermân-ı âlî iltimâs eyledikleri huzûr-ı âlîlerine i‘lâm olundu. El-emru li-men-lehü’l-emr. Fî 24 min-Muharremi’l-harâm sene 1153.