Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 458 Hüküm no: 562 Orijinal metin no: [71a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim’in Hüdavendigâr sancağından zahire getirmesinde zorluk çıkarılmaması ve kendisine ekmekçiler kethüdası ve diğerlerinin kefil olduğu Bâ-mühr-i efendi Ma‘rûz Sâhib-i arzuhâl el-Hâc Ömer meclis-i şer‘de Hüdavendigâr sancağında sâkin şerîkim İbrahim nâm kimesne sancak-ı mezbûra tâbi‘ kasaba ve kurâ ahâlîlerinden mâlıyla envâ‘-ı zehâyir iştirâ ve ahz u kabz ve Âsitâne-i aliyyeye nakl için Gemlik ve Mudanya iskelelerine getirir iken Bursa ve ol havâlîde olan zavâbıt nakline mâni‘ olmağla mezbûrun nefsine ve hîn-i mutâlebede meclis-i şer‘a ihzârına kefîli alınıp ol havâlîden mâlı ile iştirâ ve Âsitâne-i aliyyeye nakline kimesne mâni‘ ve müzâhim olmamak üzere fermân-ı âlî iltimâs ve mezbûrun nefsine ve hîn-i mutâlebede meclis-i şer‘a ihzârına ekmekciler kethüdâsı ve sâir cerîdede mazbûtü’l-esâmî kimesneler kefîl oldukları huzûr-ı âlîlerine i‘lâm olundu. Fî 28 min-Muharremi’l-harâm sene 1153.