Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 463 Hüküm no: 573 Orijinal metin no: [71b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Balasa’nın babası Yorgi ile arasındaki altın ve ev davasında sulh sağlandığı Sâhibe-i arzuhâl Balasa Nasrâniye tarafından ber-nehc-i şer‘î vekâleti sâbit olan Yoseb zimmî Mahkeme-i Bâb’da meclis-i şer‘de müvekkile-i mesfûrenin babası Yorgi zimmîden iddi‘â eylediği yirmi yedi aded zer-i mahbûb ve ber-mûceb-i defter-i müfredât eşyâ-i ma‘lûme ve Sultan Bayezid Vakfı’ndan olup Mirâhur mahallesinde vâki‘ rub‘ menzil da‘vâsından tavassut-ı muslihîn ile bi’l-vekâle doksan guruş bedel-i makbûza sulh olup ahadühümâ âharı ibrâ ve ıskāt edip kat‘-ı nizâ‘ eyledikleri huzûr-ı âlîlerine i‘lâm olundu. Fî 29 min-Muharremi’l-harâm sene 1153.