Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 340 Hüküm no: 496 Orijinal metin no: [73b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Şeyh Mehmed’in kahve bahasından Selim b. Cuma’ya borcu olduğu Diyâr-ı Mısr-ı Kāhire’de muvakkaten medîne-i Reşid kādısı olan fahrü’l-kuzât Mustafa b. Şeyh Mehmed nâm kimesne meclis-i şer‘-i hatîr-i lâzımü’t-tevkīrde işbu bâ‘isü’l-kitâb el-Hâc Selim b. Cum‘a mahzarında ikrâr-ı tâm ve takrîr-i kelâm edip mezbûr el-Hâc Selim yedinden müşterâ ve makbûzum olup vezn ve mikdârı beynimizde ilm-i şer‘î ile ma‘lûm kahve bahâsından merkūm el-Hâc Selim zimmetinde lâzımü’l-edâ ve vâcibü’l-kazâ üç bin beş yüz riyâlî guruş kebîr deynim vardır deyü tav‘an ikrâr u i‘tirâf eyledikde mukırr-ı mezbûru ikrâ[r]-ı meşrûhunda el-mukarru lehü’l-merkūm el-Hâc Selim vicâhen tasdîk ve şifâhen tahkīk etmeğin meblağ-ı mezbûrun cem‘îsine emr ve kabûlü hâvî vekâlet-i sahîha-i şer‘iyye ile mukırr-ı mezkûrun oğlu Ahmed Çelebi ve kaynı? Mehmed b. Muslu nâm kimesneler kefîl olmağın mâ-vaka‘a bi’t-taleb ketb olundu. Tahrîren fi’l-yevmi sâlis aşer min-Zilka‘deti’ş-şerîf li-sene erba‘a ve sittin ve elf. Şuhûdü’l-hâl: el-Hâc Ali Efendi b. Salih, Hacı Yusuf b. Said, Ahmed b. Abdurrahman, Ramazan b. Salim, Said Efendi b. Kenan?, İbrahim Çelebi b. Davud, el-Hâc Cum‘a b. Seyyid Mustafa, Pîrî Beşe b. Hüseyin, Bayezid b. ( ) ve gayruhum mine’l-hâzırîn.