Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 466 Hüküm no: 579 Orijinal metin no: [72a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin’in Ali b. Abdullah’daki alacağını ispatlayamadığı Bâ-mühr-i efendi Ma‘rûz Sâhib-i arzuhâl es-Seyyid el-Hâc Hüseyin meclis-i şer‘de Ali b. Abdullah muvâcehesinde bundan akdem mezbûr Ali’ye bi’l-emâne medîne-i Tokat’dan bi’d-defa‘ât irsâl eylediğim ma‘lûmü’l-mikdâr fener teli ve sâir emti‘a-i ma‘lûmemi bu tarafda kabz ve izin ve tevkîlimle âhara bey‘ ve kabz-ı semen etmekle târîh-i i‘lâmdan bir sene mukaddem bi’l-cümle hesâb gördüğümüzde mezbûr Ali yedinde ba‘de külli’l-hesâb dört yüz kırk guruş kıymetli ma‘lûmü’l-mikdâr fener teli ve tevkîlimle âhara bey‘ eylediği emti‘a semenlerinden bin seksen guruş hakkım zuhûr edip hattâ mezbûr Ali husûs-ı mezbûru ber-vech-i muharrer ikrâr dahi etmiş idi, hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr müdde‘âsını isbâta kādir olmayıp tahlîfe dahi tâlib olmamağla mûcebince müdde‘î-i mezbûr bilâ-beyyine bi-gayr-ı vechin mu‘ârazadan men‘ olunduğu huzûr-ı âlîlerine i‘lâm olundu. Fî-selhi Muharremi’l-harâm sene 1153.