Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 465 Hüküm no: 578 Orijinal metin no: [72a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’i öldürenler ile maktûlün ailesi arasındaki davaya diyet karşılığı son verildiği Bâ-mühr-i efendi Ma‘rûz Derûn-ı arzuhâlde mastûrü’l-ism olup katîlen vefât eden es-Seyyid Mehmed’in vâlidesi Hadîce bt. Eyüb nâm hatun zâtı ba‘de’t-ta‘rîfi’ş-şer‘î meclis-i şer‘de es-Seyyid Mustafa ve es-Seyyid İbrahim ve Mehmed ve İbrahim Beşe ve Mustafa ve Hüseyin ve Mehmed Emin ve Halil muvâcehelerinde mezbûrûn bundan akdem oğlum mezbûru Hasköy kasabasında bi-gayr-ı hakkın katl eylediler deyü eylediği da‘vâsından an-inkâr yüz guruş bedel-i makbûza mezbûrûn ile ber-nehc-i şer‘î sulh olup katîl-i mezbûrun dem ü diyetine ve gayra müte‘allıka âmme-i da‘vâdan mezbûre Hadîce ve katîl-i mezbûrun babası es-Seyyid Ahmed merkūmûnun zimmetlerini ibrâ ve ıskāt edip ol vechile kat‘-ı nizâ‘ eyledikleri huzûr-ı âlîlerine i‘lâm olundu. Hurrire fî-gurreti Saferi’l-hayr sene 1153.