Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 471 Hüküm no: 589 Orijinal metin no: [73a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Acem asıllı Ayşe’nin azat edilerek Hüseyin b. Mustafa ile evlendirildiği Ma‘rûz Sâhib-i arzuhâl Zeyneb Hatun bt. el-Hâc İsmail Ağa b. Ahmed’in li-ebeveyn karındaşı ve tarafından vekîl-i sâbitü’l-vekâlesi Haşim Mehmed Ağa Bâb Mahkemesi’nde meclis-i şer‘de müvekkile-i mezbûreye sâbıkā rıkkıyetini mu‘terife olan Âişe nâm-ı diğer Dilşikar muvâcehesinde mezbûre bâ-fermân-ı âlî sebîlleri tahliye olunan Acem cinsinden olmağın kendüyü bin akçe mehr-i müeccel tesmiyesiyle işbu hâzır bi’l-meclis Hüseyin b. Mustafa’ya akd ve tezvîc eylediğine müvekkile-i mezbûre vâkıfe ve muttali‘a olmağla mezbûreyi hasbeten lillâhi te‘âlâ cemî‘ mâlından tahrîr ve i‘tâk edip ve mezbûrenin akdini dahi bi’l-velâye tenfîz etmekle mezbûre Âişe nâm-ı diğer Dilşikar sâir harâir-i asliyât gibi hürre olup mezbûr Hüseyin’in zevce-i menkûhası olmuşdur deyü bi’l-vekâle takrîri ba‘de’t-tasdîk huzûr-ı âlîlerine i‘lâm olundu. Fî 4 S sene 1153.